«Ислам және дәстүр құндылығы» жылы аясында Мұнайлы ауданы Басқұдық ауылдық «Төлей ишан» мешітінің наиб имамы Үрбісінов Аслан Маңғыстау аудандық Тұщықұдық мешітінде “Ниет” тақырыбында уағыз айтты.

Наиб имам өз сөзінде:»Ниет– адам әрекетінің нақтылы мақсатын, мазмұнын бейнелейтін қозғаушы күш. Ниетсіз, себепсіз мақсат қойылмайды. Кісіні нысанаға бағыттайтын да, істің мән-мәнісін белгілейтін де ниет.  Оның мазмұны адамның қылығы мен пиғылында. Ал ниеттің мекені – жүрек. Қашан адамның жүрегі жақсы ниеттерге толса, ол жақсы ізгі амалдарды атқарады«,деді.Уағыз-насихат соңында жамағат тарапынан қойылған сұрақтарға жауап беріп,тұщымды ойларымен бөлісті.