«Ислам және дәстүр құндылығы» жылы аясында Баянды ауылдық мешітінде «Аталар мектебінің» алқалы жиыны өтті.

Аталар мектебі жобасы аясында өткен жиынға мешіттің ақсақалдар алқасының мүшелері,ауыл ақсақалдары қатысты. Жиында арнайы алғы сөзді алған мешіт бас имамы  Саламат Айтбаев ақсақалдардың қоғамдағы мәртебесі жөнінде сөз қозғап, аталар институтының орны айрықша екендігін тілге тиек етті.
Шараның басты мақсаты қазақ отбасының қазынасы саналатын қариялардың өнегесі арқылы жас буынды өнеге мен ізгілікке тәрбиелеу.
Жиында жаңа бастамаға ақсақалдар қауымы қолдау білдіріп, Құран оқылып, дұға жасалды.Сонымен бірге мешіт имамы қарияларға  «Ас беру мәдениеті» мен «Зират және зиярат әдебі» құжаттары мен «Қамқор-Шарапат» қызметтерін де түсіндіріп өтті.