«Ислам және дәстүр құндылығы» жылы аясында Түпқараған ауданына қарасты «Сайын Шапағатов» ауылдық мешітінде «Мектепке жол» қайырымдылық акциясы өтті.

Сайын ауылдық жастары және жанашыр жандардың қолдауымен өткен қайырымдылық шарасы барысында 50 оқушыға оқу құралдары салынған сөмке,4 оқушы қызға киім және 2 ұлға аяқ киім алып берілді.

Игі шара барысында мешіт бас имамы  Сәбит Егізханұлы жиналған оқушыларды жаңа оқу жылымен құттықтап жақсы оқып білімде озат болуға, ата- ананың үмітін ақтар асыл тұлға болуды тілеп ыстық лебізін білдірді, демеушілік білдіріп қайырымдылық шарамызға үлес қосқан барша азаматқа және Сайын жастарына рахмет айтып, алдағы уақыттарда да игі істерден бірге болуға шақырды.