Маңғыстау облыстық «Бекет ата» мешітінде Құрбан айт мерекесі қарсаңында  «ТОО АҚТАУ СЕРВИС ҚҰРЫЛЫС» қала тазалығын қамтамасыз етіп отырған  100 тазалықшыға  Құрбандық еттері үлестірілді.

Дінімізде тазалыққа айрықша мән беріледі, тіпті «иманның жартысы» деп айтылады. Хадистерде қоршаған ортаны таза ұстау жайында да қатаң ескертілген. Осы орайда ауа-райының қолайсыздығына қарамастан қала  көшелерінің таза болуы үшін күні-түні еңбектеніп жүретін қала тазалықшыларын қолдау мақсатында Құрбандық еттері таратылып,өз кезегінде тазалық қызметкерлері өз алғыстарын білдірді.

Алла Тағала  қасиетті құрбан айт мерекесін баршаларымызға мүбарак етіп, шалатын құрбандықтарымызды, атқаратын ізгі амалдарымызды қабыл еткей!