Бүгін Құрбан айт мерекесіне орнай Бейнеу аудандық «Ыбырайым ахун Құлбайұлы» мешітінде мерекелік іс-шаралар ұйымдастырылды.

Аудан бас имамы Адайбек Мақанұлының бастамасымен жүзеге асқан шара барысында мешіт ауласына қазақы үй тігіліп,қазақша күрес, гір көтеру, арқан тартыс және өзге де ұлттық ойын түрлерінен сайыстар өтті.Жеңімпаздарға мешіт атынан арнайы сыйлықтар табысталды.Бұдан бөлек, бүлдіршіндерге көңіл күй сыйлау мақсатында тегін балмұздақтар таратылды.