Сайын Шапағатов ауылдық мешітінің имамы Арман Азанқұлұлы Сайын Шапағатов ауылдық мәдениет үйінің ұжымымен «Отбасылық тәрбие және ұлттық құндылықтар» тақырыбында кездесу өткізді.

Кездесу барысында мешіт бас имамы ҚМДБ-ның «Қазақ халқының дәстүрінде және Ислам дінінде отбасы құндылығы» тұғырнамалық құжатын таныстырып, оның негізгі бағыттарына тоқталды.

Сонымен қатар отбасы институтын нығайту, ұлттық тәрбиені дәріптеу, ата-анаға құрмет көрсету және ұрпақ тәрбиесіндегі рухани құндылықтардың маңызы жөнінде насихат айтты.

Тағылымды кездесуде отбасының қоғамдағы орны мен ұлттық құндылықтарды сақтаудың маңыздылығы кеңінен түсіндірілді.