Құрбан айт мерекесі қарсаңында Маңғыстау облыстық «Бекет ата» мешітінде жол тазалығын қамтамасыз етіп отырған еңбеккерлерге құрбандық еттері үлестірілді.

Ауа-райының қолайсыздығына қарамастан қала  көшелерінің таза болуы үшін күні-түні еңбектеніп жүретін қала тазалықшыларын қолдау мақсатында құрбандық еттері таратылып,өз кезегінде тазалықшылар алғыстарын білдірді.

Облыс бас имамы тазалықшыларды Құрбан айт мерекесімен құттықтап,Жаратушы Алладан еліміз бен жерімізге амандық,отбасыларына береке тілеп, тыныштық тілеп, дұға жасады.