«Ислам және дәстүр құндылығы»жылы аясында РАНТ мүшесі, Ақшұқыр ауылдық мешітінің бас имамы Юнус Қадырқұлұлы «Маңғыстау» радиосында қонақта болып,»Кешірімділіктің ислам дініндегі орны» тақырыбында ой өрбітті.

Сұқбат барысында кешірімді болу – адам бойынан табылатын ең ізгі қасиеттің бірі екендігін айтып,кешірімді болу – жаратқанның бұйрығы,Пайғамбар сүннеті екендігін түсіндірді.Юнус Қадырқұлұлы  өз сөзінде:

«Кешірім жасау – кеңдік, кешіре алмау – кемдік» деп өсиет қалдырған. «Жаңылмайтын жақ, сүрінбейтін тұяқ» болмайды, адам болғасын қателесуі заңды. Алайда кешіре білгеніміз, бір-бірімізге кешірімді болғанымыз абзал.Өмір болған соң біріміз-бірімізге ренжиміз, біреуге өкпе артамыз. Алайда Алланың әміріне бойсұнып, адамзат арасындағы келеңсіз жағдайларға түсіністікпен, кешіріммен қарайтын болсақ, шешілмейтін түйін жоқ,-деді.

Жаратқан Алла біздің кешірімді, бір-бірін кешіре білетін көркем мінезді болуымызды нәсіп етсін!