«Ислам және отбасы құндылығы» жылы аясында  ҚМДБ Маңғыстау облысы «Зекет және қайырымдылық» қорының ұйтқы болуымен  Қарақия ауданы Жетібай ауылдық Сүйінғара батыр мешітінде қайырымдылық шарасы өтті.

Қайырымдылық – халқымыздың ең ізгі қасиеттерінің бірі.Әлеуметтік аз қамтылған отбасыларды қолдау мақсатында ұйымдастырылған қайырымдылық шарасы барысында ҚМДБ РАНТ мүшесі, «Зекет және қайырымдылық» қорының директоры Мақсатбек Қайырғалиев көмекке мұқтаж 35 отбасыға азық-түліктер салынған қораптарды үлестірді.Сондай-ақ,Мақсатбек Мақсотұлы көмек алған жандарға насихат айтып,сынаққа мойымауға шақырды.