Жаңаөзен қаласының маңындағы Теңге ауылында орналасқан «Қосай ата» мешітінде  Мәуліт мерекесі аталып өтті.

Мешіттің бас имамы Бахарамұлы Нұрмұхаммед жиналған жамағатқа Пайғамбарымыздың ғибратты өмірінен уағыз-насихат айтты.Осы мерекеге орай, мешіт жамағаттары арасында арнайы мәуліт күніне ұйымдастырылған шарада Мәуліт айына қатысты  5 топ болып сұрақ-жауап сайысы өтті.Байқауға қатысқан жамағатқа арнайы сыйлықтар үлестірілді.

Іс шара соңында мерекелік ақ дастархан жайылып жақсылыққа жаны құштар жамағат жиналып Пайғамбарымыз еске алынып мәуліт қасидасы оқылды.