1 қазан-Халықаралық қарттар күніне орай Маңғыстау облыстық орталық «Бекет ата» мешітінде мешіт ақсақалдары мен қарияларына құрмет көрсетілді.

Облыстық мешіт наиб имамы Байкенже Серікбайұлы мен Іздібай Бегенұлы мешіт ақсақалдарына насихат айтып,мейраммен құттықтады.Пайғамбарымыздың (ﷺ) хадистеріндегі «Әлсіздерге, науқастарға, қарттарға және кішілерге мейірімділік көрсетіңдер!» (Шира), «Қарттарға құрмет және сияпат, Алла тағалаға деген құрметтен туындайды.» (Бұхари) – деген өсиеттерді ескерген мешіт ұжымы сый-сияпат жасауды да ұмытпады.

Мешіт ұжымы атынан жиынға қатысқан қарияларға жайнамаз сыйға тартты.Өз кезегінде қариялар батасын беріп, ризашылықтарын білдіріп,ел амандығы үшін дұға жасады.