ҚМДБ Маңғыстау облысының бас имамы Әнуар Ізімбайұлы Жаңаөзен қаласына жұмыс сапары аясында Жаңаөзен қаласының әкімі  Сымбат Қуанышұлы Төретаевпен кездесті.

Кездесу барысында өңірдегі діни ахуал, қала аумағындағы діни жұмыстардың жай-күйі және алдағы міндеттер кеңінен талқыланды. Сондай-ақ, діни тұрақтылықты сақтау, мешіттердің жұмысын жандандыру және жамағат арасындағы рухани-ағартушылық бағыттағы жұмыстарды күшейту мәселелеріне назар аударылды.

Бұдан бөлек, облыс бас имамы Жаңаөзен қалалық орталық «Әбіш қожа» мешітіне жаңадан тағайындалған бас имамды таныстырып, оған жауапты қызметінде сәттілік тіледі.