Бүгін,қасиетті жұмада Мұнайлы аудандық Дәулет ауылдық елді мекенінен «Әбу молда «атындағы мешіт ашылып,жамағат игілігіне берілді.

Мешіттің  ашылу рәсіміне ҚМДБ Діни білім және кадр даярлау бөлімінің меңгерушісі Смайыл Сүйерқұлұлы және ҚМДБ  Уақып қорының төрағасы Ардақ Нүсіпханұлы арнайы қатысып,игі тілектерін білдірді.Сондай-ақ жаңа мешіттің ашылу салтанатында облыс бас имамы Әнуар Ізімбайұлы, мемлекет және қоғам қайраткерлері, ақсақалдар сөз сөйлеп, бата берді.

Мешітке Бас мүфти бұйрығымен имам қызметіне Чавкаров Берик Джынгылбаевич тағайындалды.Бұған дейін,Қызылтөбе-2 ауылдық Мұстафа мешітінде ұстаздық қызмет еткен имамды  облыс бас имамы  жиналған  жамағатқа таныстырып, еңбегіне береке тіледі.Әнуар Ізімбайұлы  өз құттықтауында Бас мүфти Наурызбай қажы Тағанұлы хазреттің ыстық ықыласы мен сәлемін жеткізді

Айта кетейік,»Әбу молда»  мешіті  Мұнайлы ауданындағы  ашылған жетінші мешіт.Жуырда  Мұнайлы аудандық Батыр ауылынан салынып жатқан сегізінші мешіт құрылысы аяқталып,ел игілігіне беріледі деп жоспарлануда.

  Маңғыстау облыстық орталық «Бекет ата» мешітінің баспасөз қызметі