Бүгін ҚМДБ «Зекет және қайырымдылық» қорының ұйымдастыруымен «Рамазан сыйы» Республикалық  қайырымдылық марафоны өтті.Осы орайда,Маңғыстау облысы өкілдігіне қарасты қала,аудан ауыл мешіттері де үлес қосты.

Рамазан айында қайырымдылық жасап, мұқтаж жандарға көмектесу – үлкен сауапты іс. Пайғамбарымыз Мұхаммед (оған Алланың салауаты мен сәлемі болсын): «Кімде-кім бауырының қажетін өтесе, Алла оның қажетінде болады…» – деген.

Қасиетті Рамазан айында мұқтаж жандарға көмек көрсету мақсатында ұйымдастырылған игі шара барысында  облыс көлемінде 700 отбасыға азық-түлік себеттері үлестірілді.

Діни басқарманың 35 жылдығына және Рамазан айының құрметіне орай ұйымдастырылған қайырымдылық марафонында еліміз бойынша 3500 отбасына қажетті азық-түлік себеттері таратылды. Айта кетейік, бір мезетте еліміз бойынша мешіт имамдары, «Зекет және қайырымдылық» қорының қызметкерлері мен еріктілері, дін жанашырлары, демеуші азаматтар атсалысты.