«Ислам және отбасы құндылығы» жылы аясында Ақшұқыр ауылдық мешітінің ұйымдастыруымен салауатты өмір салтын насихаттау мақсатында жамағат арасында үстел теннисінен турнир өткізілді.

Мұсылман адам қадіріне жете бермейтін екі нәрсе бар: бірі бос уақыт болса, екіншісі денсаулық. Жарысты ұйымдастырудағы мақсат: салауатты өмір салтын сақтау және бос уақытты пайдалы өткізуге негізделген.Спорттық шараға жалпы саны 20 адам қатысты. Жарыс нәтижесінде 1-орынды Нұр Дастан, 2-орын Тәңірберген Нұрлыбек иеленсе, 3-орын Мақсат Рауанға бұйырды. Жүлделі орын иелері диплом және қаржылай сыйлықпен марапатталды.