ҚМДБ Маңғыстау облысы бойынша өкілдігі, Жаңаөзен қалалық мешіттерінің ұйымдастыруымен “Адамзаттын асыл тәжі” атты Мәуліт мерекесі атап өтілді.

Жиынға 400 ге жуық ақ жаулықты әжелер мен қыз — келіншектер қатысты . Жиын барысында Маңғыстау облысы бойынша әйел қыздар сектор жетекшісі Қоңыратбайқызы Ұлдаулет ұстаз Жаңаөзендіктерді Мәуліт мерекесімен құттықтап, ары қарай пайғамбарымызды ұлықтайтын ән- шумақтар, көріністер, сұрақ- жауаптар ұйымдастырылып, ойынға қатысқандарға сыйлықтар берілді. Салауат жарысына қатысып, басып озған жеңімпаздар ақшалай сыйлықпен марапатталды. Қайырымды жандардың қолдауымен кеш соңында Шаңырақ мешітінің әйел-қыздар ұстазы Қайратқызы Айнұр ұстазға кіші қажылыққа екі жолдама , Шаңырақ мешітінің белсенді , әрі тұрақты шәкірті Назарова Айжанға кіші қажылыққа екі жолдама сыйланды.