ҚМДБ «Зекет және қайырымдылық» қорының ұйымдастыруымен Оразмағанбет ахун Тұрмағанбетұлы мешітінде дәстүрлі «Мектепке жол» қайырымдылық акциясы өтті.

Игі шара барысында  50 балаға мектепке қажетті құрал-жабдықтармен қатар, мектеп формасы мен аяқ киімдер үлестірілді. Балалардың алдағы оқу маусымына толық дайындалуына ықпал ету мақсатында оларға күздік және қыстық аяқ киімдер де сыйға берілді.

Акцияның басты мақсаты – жаңа оқу жылы қарсаңында балалардың қуанышын арттырып, олардың алаңсыз білім алуына жағдай жасау. Шара аясында мешіт бас имамы Оразбай Түркменбайұлы оқушыларға ақ жол тілеп, ата-аналар қайырымды жандарға алғыстарын жеткізді.