ЖАНТ мүшесі, Қызылтөбе ауылдық «Мұстафа» мешітінің бас имамы Айғабыл Дәуірханұлы Маңғыстау облыстық орталық «Бекет ата» мешітінде құптан намазының алдында жамағатқа өнегелі уағыз айтты.

Имам өз насихатында адамзаттың ардақты ұстазы, күллі мұсылман үмбеті үшін теңдессіз үлгі болған Пайғамбарымыз Мұхаммедтің (с.ғ.с.) өмірбаянын кеңінен баяндап, оның өнегелі өмірінен ғибратты насихат айтты.

Сондай-ақ, имам жамағатты сүннет амалдарын орындауға, бір-біріне ізгілікпен қарауға, имандылық пен бауырмалдықты арттыруға шақырды. Уағыз соңында жамағат Пайғамбарымыздың өнегелі өмірінен тағылым алып, Алла разылығы үшін амал етуге ниеттеніп тарқасты.