Жаңаөзен қалалық орталық  «Әбіш қожа»мешітінде ЖАНТ мүшесі, «Қосай ата» мешітінің бас имамы Бахарамұлы Нұрмұхаммед Құрбан айт мерекесі қарсаңында мешіт жамағатымен жүздесіп,Құрбан айт жайлы  тұщымды насихат айтты.

Бахарамұлы Нұрмұхаммед өз сөзінде:Құрбан айт – елді қайырымдылықа, мейірімділікке, ізгілікке үндеп, араздасқандарды татулыққа шақыратын, елді біріктіретін рухани мереке.  Ардақты Пайғамбарымыз (оған Алланың салауаты мен сәлемі болсын) бұл күні адамдарға:

«Уа, адамдар, бұл күні сәлемді жайыңдар, (мұқтаждарды) тамақтандырыңдар, туыстық қатынасты күшейтіңдер және адамдар ұйқыда болған кезде намаз оқыңдар, еш алаңсыз жәннатқа кіресіңдер», – деп айтатын болған. Біз де Пайғамбар өсиетіне құлақ асып, осы күндерді барынша ізгі амалдармен өткізуге тырысайық!деді.

Алла Тағала  қасиетті құрбан айт мерекесін баршаларымызға мүбарак етіп, шалатын құрбандықтарымызды, атқаратын ізгі амалдарымызды қабыл еткей!