Бейнеу аудандық орталық «Ыбырайым ахун Құлбайұлы»мешітінде қасиетті Рамазан айына орай «Рамазан сыйы» қайырымдылық акциясы ұйымдастырылды.

Игі шара аясында әлеуметтік жағдайы төмен және мұқтаж 31 отбасыға азық-түлік себеттері таратылды. Қайырымдылық көмегін мешіттің бас имамы Адайбек Мақанұлы табыстап, жиналған жамағатты Рамазан айымен құттықтап, мұқтаж жандарға қолдау көрсету – сауапты іс екенін атап өтті.

Шараның басты мақсаты – қасиетті айда қайырымдылық жасап, қоғамдағы мейірімділік пен жанашырлықты арттыру.