«Ислам және дәстүр құндылығы» жылы аясында Ұлттық мереке – Республика күні қарсаңында  Маңғыстау облыстық орталық «Бекет ата» мешітінде қала тазалығын қамтамасыз етіп отырған тазалықшыларға қайырымдылық шарасы ұйымдастырылды.

Дәстүрлі  қайырымдылық шарасы аясында мешіт ұжымы 150 отбасына азық-түлік себеттерін үлестірді.Шара барысында мешіт имамы Іздібай Бегенұлы жұмысшыларға атқарып жүрген қиын да күрделі жұмыстары үшін алғыс айтып, денсаулық, отбасыларына амандық-саулық тіледі.

Қолымыздан келгенше жақындарымызға, тіпті танымасаңыз да мұсылман бауырыңызға жәрдем жасап, көмек қолын созу – мұсылмандықтың белгісі. Пайғамбарымыз (оған Алланың игілігі мен сәлемі болсын) былай деген: «Ең игі істер: мұсылман бауырыңа қуаныш сыйлау – оның қарызын өтеу, оны тамақтандыру» деген еді (Байһақи). Осы өсиетке амал етіп келе жатқан мешіт ұжымына қала тазалықшылары алғыстарын айтып, ризашылықтарын білдірді.