Ардақты пайғамбарымыздың (оған Алланың салауаты мен сәлемі болсын) «Сендердің ең жақсыларың – Құранды үйреніп оны үйреткендерің» деген өсиетін жүзеге асыру мақсатында Рахат ауылдық «Оразмағанбет ахұн Тұрмағамбетұлы» мешітінде Құран жарысы ұйымдастырылды.

Жарысқа қатысушылар 30-шы пара, яғни «Нәбә» сүресінен «Нас» сүресіне дейін жатқа оқу және «Дұха» сүресінен «Нас» сүресіне дейін жатқа оқу аталымдары бойынша бақ сынасты.

Құран жарысына Жаңаөзендегі «Шаңырақ ш/а» мешітінің ұстазы Әжімұқан Өтебақ, Теңге ауылдық «Қосай ата» мешітінің ұстазы Асадулла Хабибуллаұлы, Набатбаев Асқар қари сияқты азаматтардан құрылған қазылар алқасы төрелік етті.

Баға беру барысында үміткерлердің барлық қырына: оқу мәнерінен бастап, дыбыстарды шығаруы мен тәжуид ережелерін сақтауына аса мән берілді.

Жарыс нәтижесі төменде:

«Нәбә» сүресінен «Нас» сүресіне дейін жатқа оқу:

І орын – Нұриханова Қоныс (50 000 теңге);

ІІ орын – Мәулешов Аманжан (40 000 теңге);

ІІІ орын – Құлбай Қасымжомарт (30 000 теңге).

«Дұха» сүресінен «Нас» сүресіне дейін жатқа оқу (мектеп жасындағы шәкірттер арасында):

І орын – Ақназаров Серік (30 000 теңге);

ІІ орын – Молдағали Тоқтар (20 000 теңге);

ІІІ орын – Айдарлы Абдырхан (10 000 теңге).

Аталмыш жарыста жүлделі орын алған қатысушыларға қаржылай сыйлықтар табыс етілді. Сондай-ақ барлық қатысушыларға қасиетті Құран кітабы сыйға берілді.

Құран жарысынан кейін ақ дастарқан жайылып, Әжімұқан Өтебақ ұстаз тұщымды уағыз-насихат айтты.

«Оразмағанбет ахұн Тұрмағамбетұлы» мешітінің имамы Жұмабай Қуандықұлы және құлшылық үйінің ұжымы осы игі шараға қолдау білдірген барша азаматтарға алғыс білдіреді. Алла сіздерге разы болсын!