Жаңаөзен қаласы Теңге ауылдық «Қосай ата» мешітінің  бас имамы Бахарамұлы Нұрмұхаммед мешіт қызметкерлерімен жиналыс өткізіп, ҚМДБ тарапынан бекітілген құжаттарды жамағат арасында кеңінен насихаттауды жандандыру жөнінде арнайы тапсырма берді.

Жиында сондай-ақ жаңа жарық көрген «Пәтуа жинағы» кітаптарын халыққа таныстыру, оның мазмұны мен маңызын түсіндіру жұмыстарының да басты назарда болуы қажеттігі атап өтілді.

Имам мешіт ұжымын құжаттар мен пәтуалардың мән-мазмұнын дұрыс жеткізіп, жамағаттың діни сауатын арттыру бағытындағы жұмысты жүйелі түрде күшейтуге шақырды.