Жаңаөзен қаласының маңындағы Теңге ауылында орналасқан «Қосай ата» мешітінде  жамамағатпен айлық отырыс ұйымдастырылды.

Игі шарада мешіт бас имамы Бахарамұлы Нұрмұхаммед «Жақсылық жасау- дүние ақиретіміз үшін жинаған азығымыз» тақырыбында жиылған жамағатқа  өз насихатын, ақыл кеңесін айтты.Сонымен қатар, жамағатпен бірге  сұрақ-жауап сайысы ұйымдастырылып, түрлі қызықты ойындармен жалғасын тапты.Жеңімпаздарға арнайы сыйлықтар үлестірілді.

Дәстүрге айналған айлық шаралардың мақсаты Маңғыстау облысы мешіттері жамағатының ауызбіршілігін арттыру, ынтымақтастығын нығайту, бауырмалдық қатынастарын күшейту екендігін айта кеткеніміз жөн.