Қасиетті Рамазан айының құрметіне Қарақия аудандық мешітінде қайырымдылық шарасы ұйымдастырылды.

Игі шара аясында аудан бас имамы Руслан Сержанұлы құлшылық үйінің тізімінде тұрған әлеуметтік жағдайы төмен 30 отбасыға бір айлық азық-түлік себеттерін үлестіріп берді.

Қарақия аудандық мешітінің ұжымы игі шараға қол ұшын созып, қолдау көрсеткен азаматтарға алғыс білдіреді! Алла садақаларыңызды қабыл етсін!