Бірліктің, татулықтың, жасампаздықтың мерекесі – әз-Наурыз мейрамына орай Ақтау қалалық «Бекет ата» мешітінде интеллектуалды сайыс ұйымдастырылды.

Танымдық шараға әйел жамағатының 12 өкілі қатысып, асыл дініміз бен салт-дәстүріміз бойынша өз білімдерін ортаға салды.

«Қатысушылар сайысқа үлкен дайындықпен келіп, өз білімдерін, шеберліктерін көрсете білді. Өзгелерден озып шығып, сайыста жеңімпаз атанған ақ жаулықты аналар мен қыз-келіншектерге ақшалай сыйлықтармен марапатталды», деді мешіт ұстазы Ақмарал Қазиева.

Сайыстан соң, әйел-қыздар жамағаты дизайнер Ләззат Мырзашпен кездесіп, кимешек тартудың сән үлгілерін үйренді. 

Ақтау қалалық «Бекет ата» мешітінің баспасөз қызметі