«Ислам және дәстүр құндылығы» жылы аясында Мұнайлы ауданына қарасты Қызылтөбе-2 ауылдық «Мұстафа (с.а.у.)» мешітінің ұйымдастыруымен әйел-қыздар жамағаты арасында Құран Кәрімді мәнерлеп оқудан облыстық сайыс өткізілді.

Сайыс шарттары: үш кезең бойынша өткізілді 1-билет суырып, онда көрсетілген сүрені мақаммен оқу. 2-әділ қазылар алқасы көрсеткен жерден Құран сүресін жалғастырып оқу. 3-тәжуид қағидалары бойынша берілген аятты талдау. Аталмыш сайысты мешітіміздің әйелдер ұстазы Ұлболсын Сейсенбайқызы ұйымдастырса, төрелікте болған Қызылтөбе 2 «Мұстафа с.ғ.с»  мешітінің бас имамы Шаденов Айғабыл Дәуірханұлы,»Әл- Хаким» мешітінің бас имамы Байбозов Дінмұхаммед, және Жаңадәулет ауылдық «Әбу Молда» мешітінің қызметшісі Қари Исмаилов Арман қазылық етті. Шараға жалпы саны 22 қыз-келіншек жазылып қатысуға өтініш білдірген болатын.

Тартысты өткен сайыс қорытындысы бойынша:

1- орын Сүюнова Айжан (100.000)

2- орын Орынбасарова Амина (50.000теңге)

3 -орын Есениязова Еркінай бауырларымыз (25.000) жүлделі орындарға ие болды. Аталмыш сайыс тікелей эфирде көрсетілген болатын. Әлеуметтік желіденде қызығушылық танытып, көрермендер сұрақтар қойып, мешіт шарасын бақылап отырды.

Мешіт бас имамы Шәденов Айғабыл  алдағы уақытта да мешітімізде мұндай шаралар жалғасын табатындығын,облыс бойынша әйел-қыздардың ілім деңгейін бірге көтеріп, барынша мешіт шараларына қызықтыру жоспарда бар екендігін айтып өтті.