![blog Images](https://beket-ata.kz/wp-content/uploads/2024/01/50ca5e37-0d0d-465e-a70b-47038fb0cee4.jpg)
![blog Images](https://beket-ata.kz/wp-content/uploads/2024/01/50ca5e37-0d0d-465e-a70b-47038fb0cee4.jpg)
Маңғыстау имамдары 2024 жылдың жұмыс жоспарын бекітті
Маңғыстау облыстық орталық «Бекет ата» мешітінде 2024 жылға арналған жұмыс жоспарын талқылау жиыны өткізілді.
Облыс бас имамы Әнуар Ізімбайұлының төрағалығымен өткен жиынға аудан-қала имамдары,мешіт ұстаздары қатысып,«Ислам және дәстүр құндылығы» жылы атқарылатын жұмыс жоспары талқыланды. Жуырда өткен ҚМДБ-ның 2024 жылға арналған жылдық жұмыс жоспарына байланысты Бас мүфти Наурызбай қажы Тағанұлының Бағдарлық баяндамасында бекіткен тапсырмаларын қала, аудан имамдарына кеңінен таныстырып, нақты тапсырмалар берді.
Биыл мүфтият жұмысты одан ары жүйелеу, жандандыру мақсатында бес бағытқа басымдық береді. Олар – дін мен дәстүр; ізгі қоғам; ихсан және насихат; діни оқу-ағарту, жат діни ағымдардан сақтандыру.Сондай -ақ имамдар осы жылы да дәстүрлі бес бағыт бойынша жұмыс атқаратын болады.
Жиын соңында ардагер имамдар,мешіт бас имамдары «Бекет ата мешітіне-20 жыл» атты арнайы төсбелгілермен марапатталды.
Маңғыстау облыстық орталық «Бекет ата» мешітінің баспасөз қызметі