Қасиетті Рамазан айында Маңғыстау ауданына қарасты Жыңғылды ауылдық мешітінде жамағатқа арналған ауызашар дастарханы ұйымдастырылды.

Аталған игі шараға Маңғыстау ауданының бас имамы Ербол Айдарұлы арнайы қатысып, жиналған жамағатқа уағыз-насихат айтты. Өз сөзінде Рамазан айының қадір-қасиеті, оразаның тәрбиелік мәні және мұсылманның рухани жауапкершілігі жайында кеңінен тоқталды.

Сонымен қатар, бас имам жамағатпен бірге құптан және тарауих намаздарын өткізіп, ел бірлігі мен амандығы үшін дұға жасады.