Маңғыстау аудандық орталық мешітінде қасиетті Рамазан айына орай «Рамазан сыйы» қайырымдылық шарасы ұйымдастырылды.

Игі шара аясында әлеуметтік жағдайы төмен, көмекке мұқтаж 20 отбасыға күнделікті тұтынуға арналған азық-түлік себеттері табысталды.

Шара барысында мешіт имамы  жиналған жамағатты қасиетті Рамазан айымен құттықтап, бұл айдың мейірім мен қайырымдылыққа толы ерекше уақыт екенін атап өтті. Сондай-ақ мұқтаж жандарға қол ұшын беру – сауапты іс екенін айтып, жамағатқа насихат айтты.