Маңғыстау облыстық орталық «Бекет ата» мешітінде дәстүрлі «Имани жаз» сауат ашу курсы өз жұмысын бастады.

Сауат ашу курсының алғашқы шарасы аясында Маңғыстау облысының бас имамы Әнуар қажы Ізімбайұлы шәкірттерді 1 маусым – Халықаралық балаларды қорғау күнімен құттықтап, жарқын болашақ тіледі.

Осыдан кейін «Әйел-қыздар» секторының жетекшісі Ұлдаулет Қоңыратбайқызының бастамасымен балалар екі топқа бөлініп, түрлі спорттық ойындарға қатысты. Мешіт атынан 60-қа жуық шәкіртке арнайы тәттілер үлестірілді.

«Имани жаз-2023» жобасы Ақтау, Жаңөзен қалалары, Бейнеу, Қарақия, Маңғыстау, Мұнайлы, Түпқараған аудандарына қарасты мешіттерде де ұйымдастырылатын болады.