Ақтау қалалық «Ержан Хазірет» мешітінде Мәуліт мерекесіне орай рухани отырыс ұйымдастырылды.

Шараға Маңғыстау облысының бас имамы Әнуар Ізімбайұлы қатысып, жамағатқа пайғамбарымыз Мұхаммед ﷺ-ның асыл қасиеттері мен мұсылман өміріндегі өнегелі орындары жайында насихат айтты.

Отырыс барысында арнайы сұрақ-жауап сайысы өткізіліп, жеңімпаздарға сыйлықтар табысталды.

Жиын соңында облыстық «Бекет ата» мешітінің азаншысы Әли Қазақ ұстаз мәуліт жырын оқып,салауаттар айтылды.

Айтулы шараға 100-ге жуық мешіт жамағаты қатысты.