Ақтау қалалық «Ержан хазірет» мешітінде қарилар мен бірқатар азаматтар марапатталды.

Рухани шара барысында  мешіт жанашырлары мен кәсіпкерлердің қолдауымен бірқатар қарилар мен ұстаздарға құрмет көрсетіліп, сый-сияпаттар табысталды. Атап айтқанда, тарауық намазын жүргізген Мұқашұлы Жарасқа кіші қажылыққа жолдама берілді. Ильяс Асқар қариға пәтер кілті мен автокөлік табысталды. Сондай-ақ, Махмудов Мұхаммад Бабур қариға кіші қажылыққа жолдама сыйға тартылды.

Мешіт ұстазы Сайдуллаев Әбубәкр ұстазға да баспана кілті табысталып, оның діни-ағартушылық қызметіне ерекше алғыс білдірілді.

Сонымен қатар, мешіттің жанашырлары мен кәсіпкерлерге шынайы алғыс білдіріліп, арнайы алғыс хаттар табысталды.

Жамағат игі бастамаларға дән риза болып, осындай сауапты істердің жалғасын табуын тіледі.