Бейнеу ауылдық «Басшы Айжанақұлы Әзірханов» мешітінде жаңа оқу жылы қарсаңында «Мектепке жол» қайырымдылық іс-шарасы ұйымдастырылды.

Іс-шара барысында қайырымды жандардың демеушілігімен көмекке мұқтаж 14 балаға мектепке қажетті оқу-құралдары салынған сөмкелер табысталды.

Мешіт имамы Ұзақбай Жанабаев шара соңында балаларға ақ тілегін айтып, демеушілерге шынайы алғысын жеткізді. Ол білімнің – келешек кепілі екенін атап өтіп, жас буынға сәттілік тіледі.