Аса қамқор, ерекше Мейірімді Алланың атымен бастаймын!

Құрметті Маңғыстау облысының тұрғындары мен қонақтары!

Қазақстан мұсылмандары діни басқармасының Маңғыстау облысы бойынша өкілдігінің, жергілікті дін қызметкерлерінің және өзімнің атымнан сіздерді бүгінгі қасиетті жұма күнімен тұспа-тұс келген Ораза айт мерекесімен құттықтаймын!

Рамазан айы баршамызға рухани кемелдік жолына түсуге мүмкіндік берді. Бұл айда мүміндердің көпшілігі жаман әдеттерден арылып, сөздерінен барлық бейтарап және дөрекі сөздерді жойып, отбасыларына көбірек уақыт бөліп, түндерді қосымша ғибадатпен өткізді. Қасиетті айда Алланың разылығын көздеп жасаған әрбір істеріміздің сауабы еселеніп жазылғай.

Ораза айт күні Алла баршамызға рухани қуанышты және Өзінің мейірімділігін сезінуді нәсіп етсін! Әр шаңырақта жақсылық пен ізгілік, молшылық пен ырыс, денсаулық пен өзара түсіністік болсын деп тілеймін. Алла Тағала келесі жылғы Рамазан айына төрт көзіміз түгел, бауырымыз бүтін болып жетуімізді нәсіп етсін. Еліміз тыныш, халқымыз аман болсын. Әмин!

Әнуар қажы Ізімбайұлы,

Маңғыстау облысының бас имамы