Атамекен ауылдық «Ар-Рахман» мешітінде қасиетті Рамазан айының құрметіне «Рамазан сыйы» атты қайырымдылық іс-шарасы өтті.

Игі шара барысында көпбалалы және тұрмыстық жағдайы төмен отбасыларға азық-түлік себеттері таратылды. Қайырымдылық ісін мешіттің әйел жамағаты ұйымдастырып, мұқтаж жандарға қуаныш сыйлады.

Шараның басты мақсаты – Рамазан айында мұқтаж жандарға қолдау көрсетіп, қоғамда мейірім мен жанашырлықты арттыру. Көмек алған жандар қайырымдылыққа үлес қосқан барша жамағатқа алғыс білдірді.