Маңғыстау облыстық орталық «Бекет ата» мешітінің жанынан «Әжелер мектебінің» кезекті отырысы ұйымдастырылды.

«Қызға қырық үйден тыйым» тақырыбында өткен шараға «Әйел-қыздар» секторының жетекшісі Ұлдаулет Қоңыратбайқызы, қажы апалар, ұстаздар және қыз-келіншектер қатысты.

Атамекен ауылдық «Ар-Рахман» мешітінің ұстазы Жансая Қалбекқызы асыл дініміздегі қыз баланың тәрбиесіне тоқталса, Ұлдаулет Қоңыратбайқызы ислам дініндегі қыз баланың әдебі, сондай-ақ отбасылық құндылықтарға қатысты насихат айтты.

Өз кезегінде ақ жаулықты әжелеріміз қыз-келіншектердің сұрақтарына жауап беріп, ене мен келін татулығы тақырыбында өз тәжірибелерімен бөлісіп, ақыл-кеңестерін айтты.

Отырыс соңында жиналған көпшілікке ҚМДБ тарапынан мақұлданған отбасы тақырыбына арналған кітаптар сыйға берілді.