![blog Images](https://beket-ata.kz/wp-content/uploads/2023/01/162684f8-34d5-4c7b-9ad9-91b3b92aa7e5.jpg)
![blog Images](https://beket-ata.kz/wp-content/uploads/2023/01/162684f8-34d5-4c7b-9ad9-91b3b92aa7e5.jpg)
«Әйел-қыздар» секторының жиналысы өтті
Маңғыстау облыстық орталық «Бекет ата» мешітінде жергілікті «Әйел-қыздар» секторының жиналысы өтті.
Маңғыстау облысының бас имамы Әнуар қажы Ізімбайұлының төрағалығымен өткен жиналысқан өңірімізге қарасты қала және аудан мешіттерінің әйел ұстаздары қатысты.
Жиналыс барысында Әнуар Ізімбайұлы ҚМДБ-ның Маңғыстау облысы бойынша өкілдігінің «Әйел-қыздар» секторының жетекшісі қызметіне облыстық орталық «Бекет ата» мешітінің ұстазы Ұлдаулет Қоңыратбайқызының тағайындалғанын хабарлап, жұмысына сәттілік тіледі.
Өз кезегінде Ұлдаулет Қоңыратбайқызы ұстаздарды «Әйел-қыздар» секторының 2023 жылғы жоспарымен таныстырып, дін мен дәстүр сабақтастығы, қоғамдық және мәдени, қайырымдылық шараларының көптеп ұйымдастырудың маңыздылығына тоқталып, бірқатар тапсырмалар берді.
Жиналыс қорытындысында әйел-ұстаздар 2022 жылы атқарылған жұмыстарға байланысты өз пікірлерін білдіріп, тәжірибелерімен бөлісті.