Жаңаөзен қаласы,Рахат ауылдық Оразмағанбет ахун Тұрмағанбетұлы мешітінде екі жасқа отбасылық кеңес берілді.

Кездесуде мешіттің бас имамы Оразбай Түркменбайұлы жас жұбайларға отбасы құндылықтары мен ерлі-зайыптылар арасындағы сыйластық туралы насихат айтты.

Бас имам отбасы – қоғамның негізі екенін атап өтіп, шаңырақтағы татулық пен берекені сақтау, ерлі-зайыптылардың бір-біріне құрметпен қарап, өзара түсіністік танытуының маңыздылығына тоқталды.

Сондай-ақ жас отбасыға қиындыққа сабыр ету, кешірімді болу, жауапкершілікті сезіну және отбасылық мәселелерді ақылдасып шешу жөнінде кеңестер берілді.

Кездесу соңында жас жұбайларға берік отбасы, баянды бақыт пен шаңырақтарына береке тіледі.