Маңғыстау аудандық мешітінде жаңа оқу жылы қарсаңында «Мектепке жол» қайырымдылық акциясы ұйымдастырылды.

Игі шара аясында әлеуметтік қолдауды қажет ететін отбасылардың 15 баласына мектеп сөмкелері табысталды. Балаларға оқу жылына қажетті құрал-жабдықтармен қатар, ақжолтай тілектер айтылып, жаңа оқу жылын жақсы көңіл-күймен бастауына қолдау көрсетілді.

Қайырымдылық шарасының негізгі мақсаты – балаларға қолдау көрсету, ата-аналардың оқу жылына дайындығына жәрдемдесу және қоғамда мейірімділік пен жанашырлық құндылықтарын дәріптеу.

Маңғыстау аудандық мешіті тарапынан ұйымдастырылған бұл игі бастама алдағы уақытта да жалғасын табады.