ҚМДБ төрағасы, Бас мүфти Наурызбай қажы Тағанұлының тапсырмасына сәйкес, зағип жандардың білім алуына қолдау білдіру және оларды қажетті құрал-жабдықтармен қамтамасыз ету жұмыстары жүйелі түрде жүзеге асырылуда.

Осы бағытта Маңғыстау облыстық орталық Бекет ата мешітінің кітапхана қоры жаңа рухани әдебиеттермен толықты.

Атап айтқанда,Брайль әдісімен жазылған зағип жандарға арналған  8 томдық толық Құран Кәрім жинағы мешіт кітапханасына сыйға тартылды. Бұл – ерекше қажеттілігі бар жандардың діни білім алуына жасалған маңызды қолдау.

Сонымен қатар, кітапхананың тұрақты оқырманы  Арайлым Көшімбайқызына Құран Кәрімнің 26–30 паралары жинағы табысталды. Қазіргі таңда ол 30-параны толық жаттап, 29-параны жаттау үстінде.

Алла Тағала ілімін арттырып, жаттаған Құранын берекелі етсін!