Сайын Шапағатов ауылдық мешітінде қасиетті Рамазан айына орай «Рамазан сыйы» қайырымдылық акциясы өтті.

Игі шара аясында әлеуметтік жағдайы төмен және көпбалалы 35 отбасыға азық-түлік себеттері таратылды.

Қайырымдылық көмекті мешіттің бас имамы Арман Досанов табыстап, жиналған жамағатты қасиетті Рамазан айымен құттықтап, мұндай қайырымдылық шараларының қоғамдағы бірлік пен жанашырлықты арттыратынын атап өтті.

Акцияның басты мақсаты – мұқтаж жандарға қолдау көрсетіп, Рамазан айындағы сауапты істерді көбейту.