Қасиетті Рамазан айында Қарақия аудандық орталық мешітінде дүйсенбі және бейсенбі күндері тұрақты түрде «Бас имам сағаты» өткізілуде.

Кездесу барысында мешіттің бас имамы Серік Есмурзаев жамағатқа Рамазан айының қадір-қасиеті, оразаның маңызы мен рухани тәрбиесі жайында насихат айтып, жамағат тарапынан қойылған сұрақтарға жауап беруде.

Рухани басқосу жамағаттың діни білімін арттырып, қасиетті айдың мән-маңызын терең түсінуге бағытталған.