Маңғыстау облыстық орталық «Бекет ата» мешітінің ұйымдастыруымен Тәуелсіздік күніне орай балалар үйінің тәрбиеленушілеріне арналған мерекелік шара өтті.

Шара аясында балалар «Маңғыстау» сауда үйіндегі ойын-сауық орталығына барып, түрлі қызықты ойындарға қатысып, көтеріңкі көңіл күй сыйлайтын бағдарламалар өткізілді. Сондай-ақ балаларға арнайы сыйлықтар табысталып, ақ дастархан жайылды.

Мерекелік жиында облыстың бас имамы Әнуар Ізімбайұлы сөз сөйлеп, Тәуелсіздіктің маңызына тоқталып, балалардың амандығы мен жарқын болашағы үшін дұға жасады.